尋日講咗外感引起嘅咳嗽， 今日再講內傷咳嗽。

內傷咳嗽其實病因係中醫嚟講有很多很多種。 黃帝內經一早已經講，“ 五臟六腑皆令人咳”。 五臟六腑唔同嘅病變都可以引起咳嗽， 呢一個觀點其實遠較西醫複雜。 總之引起咳嗽嘅病因有很多， 假如唔能夠辨證準確對症下藥， 一味只係止咳的話， 療效總會強差人意，病人反而變得咳嗽長期難愈。

為大家講解幾種常見的內傷咳嗽。

第一總在香港頗為常見的是肝咳。 對，今次冇打錯字， 唔係乾咳，係肝咳。

肝嘅經絡其實經過肺部 再經過喉嚨直上到鼻咽。 人嘅氣， 大概可以分為升降兩種力量。 肺氣係把氣向下降嘅重要力量， 肺氣降得不好， 肺氣就會向上衝成為咳嗽。 而人體把氣向上託的主要力量是肝氣。 所以當一個人發嬲，所謂大動肝火嘅時候，氣是向上衝的。 正常嘅健康身體肝氣和肺氣處於一個平衡嘅狀態。 一升一降， 係一個身體自然嘅正氣流動。 但假如一個人如果長期緊張， 又或者長期處於憤怒怨氣嘅狀態， 肝氣過強， 更甚者形成肝火， 肝氣肝火向上衝會損傷肺部， 形成一種慢性咳嗽難而好轉。 中醫嘅術語叫做肝火犯肺。 呢種咳嗽嘅特色係 咳嗽聲 非常猛烈，而且一咳起上嚟幾乎難以停止， 嚴重者甚至會咳到嘔。

呢一類嘅病人 可以有其他肝火盛嘅特質， 例如是女性乳房有腫塊， 又或者頸部有甲狀腺腫大。 一般也可以因為肝火上升引起慢性嘅喉嚨發炎。 呢一類嘅病人要治療好長期咳嗽除咗要用治咳嗽嘅中藥外， 也要清肝火疏肝氣而且把肝氣向下引導。 所謂自病必求於本， 必需要治好肝火否則病情。

另外呢一類病人也要避免發嬲， 工作要減輕壓力， 另外要識得排解自己嘅抑鬱， 否則醫起上嚟事倍功半。

肝咳係一種係中醫嚟講情緒發病嘅長期咳嗽。 其實還有很多種不同內傷咳嗽。 有一些甚至和飲食有關。

過幾天再講。

#蘇子謙醫生

#蘇子謙中醫師

#中西醫結合

#咳嗽

#敏感咳嗽

#肝咳